0Shares

Kjo ishte mbrëmja e skuadrave vendase në NBA, pasi të tre ekipet kanë regjistruar fitor dhe po udhëheqin me 2:0 në serinë finale të ‘Play-Off’ të NBA-s.

Washington Wizard triumfoi kundër Atlanta Hawks me 109:101, Houston Rockets ishte më i mirë se Oklahoma Thunders City me 115:111 ndërsa Golden State Warriors ka triumfuar bindshëm ndaj Portland TrailBlazers me rezultat 110:81.

Dueli më interesant është parë në Houston, ku përballë njëri-tjetrit ishin dy prej lojtarëve më të mirë të sezonit të rregullt – James Harden dhe Russell Westbrook.

Fitues në fund doli Harden me 35 pikë dhe tetë asistime, ndërsa Russell Westbrook kishte mbrëmje të mahnitshme. Pretendenti kryesor për MVP realizoi 51 pikë dhe regjistroi ‘triple-double’ në saje të 10 kërcimeve dhe 13 asistimeve, transmeton Telegrafi.

Përveç Hardenit te Houstoni kontribut të rëndësishëm dha edhe Erik Gordon me 22 pikë, 21 shtoi Lou Williams.

Te Oklahoma, përveç Westbrookut me lojë të mirë u shfaq edhe Andre Robertson me 12 pikë.

Golden State ka justifikuar rolin e favoritit kundër Portland dhe këtë herë fitoi bindshëm me rezultat 110:81.

Edhe pse nuk e kishte në dispozicion Kevin Durantin, Warriors në saje të 19 pikëve të Stephen Curryt dhe Klay Thompson shënoi 16. Më efektivi te Portlandi ishte Moris Harkles me 15 pikë. Por, dy yjet kryesore të skuadrës nuk ishin në nivelin e duhur – Damian Lillard me 12 pikë dhe CJ Mekolum shtoi 11 pikë.

Washingtoni ka dyfishuar serinë e takimeve kundër Atlantas në saje të fitoreve me rezultat 109:101. John Wall dhe Bradley Beal sëbashku kanë arritur 63 pikë, ndërsa te Atlanta më i miri ishte Paul Millsap me 27 pikë dhe 10 kërcime. /Telegrafi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)